ਮੁੰਬਈ ਹਵਾਈ ਅੱਡੇ ਦੇ ਟਿਕਟ ਕਾਊਂਟਰ 'ਤੇ ਏਅਰਲਾਈਨ ਸਟਾਫ ਨਾਲ ਮੁਸਾਫਰਾਂ ਦੀ ਹੋਈ ਤਿੱਖੀ ਬਹਿਸਬਾਜ਼ੀ

ਮਹਾਰਾਸ਼ਟਰ, 6 ਦਸੰਬਰ (ਏ.ਐਨ.ਆਈ.)-ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨ ਇੰਡੀਗੋ ਦੇ ਸੰਚਾਲਨ ਵਿਚ ਲਗਾਤਾਰ ਪੰਜਵੇਂ ਦਿਨ ਵੀ ਕੋਈ ਸੁਧਾਰ ਨਹੀਂ ਹੋਇਆ। ਦਿੱਲੀ, ਮੁੰਬਈ ਤੇ ਚੇਨਈ ਹਵਾਈ ਅੱਡਿਆਂ ਉਤੇ ਦੇਰ ਰਾਤ ਯਾਤਰੀ ਫਸੇ ਰਹੇ। ਇਸੇ ਵਿਚਾਲੇ ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਕੌਮਾਂਤਰੀ ਹਵਾਈ ਅੱਡੇ 'ਤੇ ਇੰਡੀਗੋ ਦੇ ਯਾਤਰੀਆਂ ਦਾ ਆਪਾ ਖੁੱਸ ਗਿਆ ਅਤੇ ਟਿਕਟ ਕਾਊਂਟਰ 'ਤੇ ਏਅਰਲਾਈਨ ਸਟਾਫ ਨਾਲ ਬਹਿਸ ਹੋ ਗਈ।